EN WALLON
.

Fraire.

Fraire, c'èst m'viladje.

C'èst s'vî clotchî èt sès trwès clokes
qui tribouleneut pou les batèmes,
sonneut , à môrt quand gn-a dèl pwène,
à gande volèye tous les dimègnes.

Fraire, c'èst ses djins, téls come is sont, Dès maurgagneûs,
dès pus paujères, avou l'pu gros intrè les deux;

Fraire, c'èst lès «Poûfrins», lès «Sabatrous», lès roudjes, lès bleus
tout' les couleûs, qui s'dèstchicoteneut quand l'mmaleûr crîye.

Fraire, c'èst l'« djanne ri », c'èst les minières, c'èst les bayaus èyet les tris.
C'èst les cus d'fosse, les meûmeures,lès pernèlis.

Fraire, cèst l'grande fontène dè bone eûwe frèche avou sès bônes,
sès bayes èt sès longs batch dè pîre moulurèye pou mète au bleu,
èyè spaumé l'buwèye.

Fraire, c'èst l'musique des djoûs d'dicause, d'èl tchanson d'fier du mârchau su l'aglème, c'èst l'bone odeûr dè cone brûlèye, quand-i fèreut lès tch'faus.

Fraire, c'èst l'Saint Djilain, c'èst les marcheus, c'èst bouchî les campes,
C'èst les côrneus, c'èst...

Fraire, c'èst tout soula...èt co tou l'rèsse...C'èst li pu bia d'tous les villâdjes !

Eyèt cèst l'mén.       Albert Matagne (†)